ប្តីប្រពន្ធពីរនាក់ស្លាប់ដោយករណីឆក់ការបូប

Thursday, June 29, 2017

ប្តីប្រពន្ធពីរនាក់ស្លាប់ដោយករណីឆក់ការបូប

ប្តីប្រពន្ធពីរនាក់បានស្លាប់ដោសារតែចោរឆក់កាបួប ដែលហេតុការណ៍ដ៏រន្ធត់នេះ បានកើតឡើងកាលពីវេលាយប់ថ្ងៃទី ២៨ មិថុនា ២០១៧ ស្ថិតនៅក្នុងសង្កាត់ដង្កោ ខណ្ឌដង្កោ រាជធានីភ្នំពេញ។ ជនសង្ស័យឈ្មោះ ផាន់ ម៉ុន ភេទ ប្រុស អាយុ ២៧ ឆ្នាំ ជាមនុស្សញៀនថ្នាំ ចំណែកឯជនរងគ្រោះប្តីឈ្មោះ មាន ពិសី ភេទ ប្រុស អាយុ ២៩ ឆ្នាំ មុខរបរ លក់ដូរ ស្នាក់នៅផ្ទះលេខ០៤(បុរីពិភពថ្មីចំការដូង) ផ្លូវ២១៧ សង្កាត់ដង្កោ ខណ្ឌ ដង្កោ រាជធានីភ្នំពេញនិងប្រពន្ធឈ្មោះស្រី វត្តី ភេទ ស្រី អាយុ ២៨ ឆ្នាំ ចំណែកឯកូនប្រុសដែលរងរបួសឈ្មោះមាន ពេជ្រចរណៃ ភេទ ប្រុស អាយុ ០៣ ឆ្នាំកំពុងព្យាបាលនៅមន្ទីពេទ្រ។ រឿងហេតុមុនពេលកើតហេតុគឺជនរងគ្រោះឈ្មោះ មាន ពិសី បានជិះម៉ូតូ០១គ្រឿងឌុបប្រពន្ធឈ្មោះ ស្រី វត្តី និងកូនប្រុសឈ្មោះ មាន ពេជ្រចរណៃ ទៅផ្ទះនៅមីចំការដូង សង្កាត់ដង្កោ ខណ្ឌដង្កោ ដោយមានដាក់កាបូបស្ពាយ០១នៅខាងមុខម៉ូតូ ហើយពេលមកដល់ចំណុចមុខសាលាបឋមសិក្សាភូមិឬស្សី សង្កាត់ ស្ទឹងមានជ័យ ស្រាប់តែមានជនសង្ស័យឈ្មោះ ផាន់ ម៉ុន បានធ្វើសកម្មភាពឆក់យកកាបូបពីជនរងគ្រោះ ហើយជិះម៉ូតូគេចខ្លួនឆ្ពោះទៅស្ពានដែកពេលនោះជនរងគ្រោះជាប្តីឈ្មោះ មាន ពិសី ក៏បានបើកម៉ូតូដេញតាមពីក្រោយរហូតដល់មុខវត្តសំបួរមាស ក្នុង ខណ្ឌ ដង្កោ លោក ពិសី ក៏បានធាក់ម៉ូតូជនសង្ស័យផ្តួលរួចម៉ូតួរបស់រងគ្រោះ ក៏បានជ្រុលទៅបុកជាមួយរថយន្តមួយគ្រឿងបណ្តាលឲ្យជនរងគ្រោះពីរនាក់ប្តីប្រពន្ធស្លាប់ ចំណែកកូនប្រុសរបួសធ្ងន់ធ្ងរត្រូវបានបញ្ជូនទៅព្យាបាលនៅមន្ទីរពេទ្យ។ ប៉ុន្មានថ្ងៃមុនក៏មានករណីឆក់កាបូបដែរដែលបណ្តាលឲ្យស្ត្រីម្នាក់ជាគ្រួបង្រៀនភាសាចិនដួលបោកក្បាលស្លាប់ក្នុងថ្លុកឈាម។ ក្នុងរយៈពេលចុងក្រោយនេះប្រជាពលរដ្ឋមានការព្រួយបារម្ភណាស់ពីព្រោះករណីឆក់កាបួូបហាក់កើន
ឡើងយ៉ាងខ្លាំង។ អាជ្ញាធរគួរពង្រឹងសុវត្ថិភាព ឲ្យបានច្រើនជាងនេះព្រោះករណីនេះកើតឡើងញឹកញាប់ណាស់៕