ភ្នំពេញៈ បុរស ២ នាក់ត្រូវបានចាប់ខ្លួនកាលពីល្ងាចថ្ងៃពុធពីបទជាប់ពាក់ព័ន្ធនៅក្នុងហ្វូងមនុស្សដែលបានវាយដំបុរសម្នាក់ដែលបានបើករថយន្តគេចចេញពីករណីគ្រោះថ្នាក់ចរាចរណ៍មួយកាលពីថ្ងៃអាទិត្យកន្លងទៅ។
តាមរយៈវីដេអូបានបង្ហាញថា ហ្វូងមនុស្សជាច្រើននាក់ពោរពេញទៅដោយកំហឹងបានជិះម៉ូតូដេញតាមរថយន្តរបស់លោកសាស្ត្រាចារ្យ ស៊ុយ សារ៉េត ដោយបុគ្គលម្នាក់ៗមានទាំងដុំឥដ្ឋ ដុំថ្មវាយ គប់ទៅលើគាត់។ ក្រោយមកលោក សារ៉េត ត្រូវបានបញ្ជូនទៅព្យាបាលនៅប្រទេសវៀតណាម។
លោក ប៊ុន សិត្យា នាយការិយាល័យទទួលបន្ទុកផ្នែកព្រហ្មទណ្ឌកម្រិតស្រាលនៃស្នងការនគរបាលរាជធានីភ្នំពេញបានថ្លែងថា បុរស ២ នាក់ដែលត្រូវបានឃាត់ខ្លួននោះមួយមានឈ្មោះ យាត ទិត្យា អាយុ ២១ ឆ្នាំ និងម្នាក់ទៀតឈ្មោះ អាន វិនទី អាយុ ២១ ឆ្នាំ។ «យើងកំពុងសាកសួរពួកគេហើយពួកគេទាំង ២ នាក់បានប្រព្រឹត្តល្មើសដោយបានវាយដំរថយន្ត និងវាយដំរូបគាត់»។
ការចាប់ខ្លួននេះបានកើតឡើងមួយថ្ងៃបន្ទាប់ពីអ្នកវាយប្រហារដ៏ឃោរឃៅបំផុតមួយរូបត្រូវបានកំណត់អត្តសញ្ញាណថាមានឈ្មោះ ភាព គឹមហាក់ អាយុ ២០ ឆ្នាំជាអតីតសមាជិកសន្តិសុខខណ្ឌដូនពេញ។
ទន្ទឹមនឹងនេះដែររដ្ឋបាលខណ្ឌដូនពេញបានអះអាងថា ឈ្មោះ គឹមហាក់ នេះលែងជាផ្នែកមួយនៃកម្លាំងរបស់ខ្លួនហើយ ប៉ុន្តែសន្តិសុខខណ្ឌដូនពេញម្នាក់ដែលនិយាយក្នុងលក្ខខណ្ឌអនាមិកបានឲ្យដឹងថា គាត់នៅតែជាសមាជិកក្រុមដដែលនៅពេលមានឧបទ្ទវហេតុនោះកើតឡើង ហើយគាត់ត្រូវឈរជើងនៅជិតវត្តភ្នំ។ ឈ្មោះ គឹមហាក់ ត្រូវបានគេមើលឃើញថាស្លៀកខោពណ៌គគីរដែលស្រដៀងទៅនឹងឯកសណ្ឋានរបស់ក្រុមសន្តិសុខខណ្ឌ។ «យើងមិនដឹងថា ហេតុអ្វីបានជាគាត់ទៅទីនោះដើម្បីវាយដំមនុស្សបែបនេះទេ ហើយគ្មានបទបញ្ជាពីទីនេះទេ»។
លោក អ៊ិត ជុំនិត ប្រធានរដ្ឋបាលខណ្ឌទួលគោកបានបដិសេធថា មានកងកម្លាំងសន្តិសុខរបស់លោកជាប់ពាក់ព័ន្ធនឹងអំពើហិង្សាដែលបង្កឡើងដោយហ្វូងមនុស្សនោះ។
រឿងរបស់លោក គឹមហាក់ នៅមិនទាន់ច្បាស់នៅឡើយទេ ប៉ុន្តែលោក ទិត្យា បានបញ្ជាក់ថា សន្តិសុខខណ្ឌដូនពេញមួយចំនួនត្រូវបានកោះហៅមកសួរនាំកាលពីយប់ថ្ងៃអង្គារហើយក៏ត្រូវបានឲ្យត្រឡប់ទៅវិញ៕
ប្រភព៖ ភ្នំពេញប៉ុស្តិ៍
ប្រភព៖ ភ្នំពេញប៉ុស្តិ៍
បុរស ២ នាក់ត្រូវចាប់ខ្លួនពាក់ព័ន្ធវ៉ៃអ្នកបើកឡាន
4/
5
Oleh
christiancambodia
.jpg "ច្បាប់ការងារសម្រាប់ស្រ្តីមានផ្ទៃពោះ")
