ប្រទេសជប៉ុនកំពុងខ្វះកំលាំងពលកម្មធ្ងន់ធ្ងរ

Thursday, June 1, 2017

ប្រទេសជប៉ុនកំពុងខ្វះកំលាំងពលកម្មធ្ងន់ធ្ងរ

បើយោងតាមCNNបានឲ្យដឹងថាទិន្នន័យរបស់រដ្ឋាភិបាលជប៉ុនដែលបានចេញផ្សាយកាលពីថ្ងៃអង្គារកន្លងទៅបានបង្ហាញថាក្នុងប្រទេសជប៉ុនបានឈានដល់ចំនុចមួយដែលខ្វះកំលាំងពលកម្មធ្ងន់ធ្ងរបំផុតក្នុងរយៈពេលជាង៤០ឆ្នាំមកនេះ។
បច្ចុប្បន្ននេះប្រទេសជប៉ុនមានការងារចំនួន១,៤៨សម្រាប់មនុស្សម្នាក់ដែលជាចំនួនមួយខ្ពស់បំផុតបើគិតចាប់តាំងពីឆ្នាំ១៩៧៤មកហើយនៅពេលដែលកំណើនស្ទុះលឿនខ្លាំងជំរុញឱ្យសមាមាត្រកើនរហូតដល់១.៥៣។ ស្ថានភាពបច្ចុប្បន្នជាទូទៅគឺល្អសម្រាប់សេដ្ឋកិច្ចរបស់ប្រទេសជប៉ុន។

លោក Marcel Thieliant សេដ្ឋវិទូជាន់ខ្ពស់នៅក្រុមហ៊ុនស្រាវជ្រាវជប៉ុន Capital Economics បានថ្លែងថា៖«មានមនុស្សជាច្រើនបានចូលមកក្នុងទីផ្សារការងារ...»។
លោកបន្តថា៖«ចំនួនមនុស្សដែលមានវ័យចំណាស់និងស្ត្រីកំពុងចូលរួមបំពេញកម្លាំងពលកម្មដែលខ្វះគឺវាបានកើនឡើង ខណៈដែលកង្វះកម្លាំងពលកបានមធ្វើឲ្យក្រុមហ៊ុនមួយចំនួនបង្ខំចិត្តជួលមនុស្សដែលពីមុនមិនចង់ធ្វើការឲ្យចូលមកធ្វើការ»។
លោក Thieliant ថ្លែងថា៖«ខណៈពេលដែលសេដ្ឋកិច្ចជប៉ុនកំពុងកើនឡើងតួលេខទីផ្សារការងារក៏កាន់តែមានតែច្រើនឡើងៗ ប៉ុន្តែកម្លាំងពលកម្មបែរជាខ្វះខាតទៅវិញ»។
អាយុកាលរស់នៅរបស់ប្រជាជនជប៉ុនកាន់តែខ្ពស់ អត្រាមនុស្សមានវ័យចាស់កាន់តតែច្រើននិងអត្រាកំណើតទាប បង្កបានជាការគំរាមកំហែងមួយដល់កំណើនសេដ្ឋកិច្ចរបស់ប្រទេសនេះនាពេលអនាគត៕